Пентагон раҳбари Европани мигрантлар «босқини»ни тўхтатишга чақирди

Пит Хегсетнинг қайд этишича, Испания, Италия, Греция ва Болгарияга қайиқларда ноқонуний мигрантлар келмоқда.

АҚШга иттифоқчи бўлган Европадаги мамлакатлар «хавфли мафкуралар исканжасида қолмоқда», деди Пентагон раҳбари Пит Хегсет Нормандияга иттифоқчи қўшинлар туширилганининг 82 йиллиги муносабати билан Францияда ўтказилган тадбирда.

Унинг қайд этишича, Испания, Италия, Греция ва Болгарияга қайиқларда ноқонуний мигрантлар келмоқда.

«Европадаги пойтахтлар бу босқинга қарши қачон чора кўра кўради? Ёки энди жуда кечми? Менимча, йўқ», — деди Хегсет.

У АҚШ ўз иттифоқчиларини қўллаб-қувватлашини ва улардан ҳам шундай муносабатни кутаётганини таъкидлади.

Ўтган йили Пентагон раҳбари ноқонуний мигрантлар ва Хитойни АҚШ учун энг катта хавф деб атаганди.