ЖЧ тарихида илк марта қизил карточка ўйиндан кейин бекор қилинди

Ўтган ўйинда қизил карточка олиб майдондан четлатилган Фоларин Балогун нимчорак финалда Белгияга қарши ўйнаши мумкин.

Фото: AP

Оқ уй ФИФА президенти Жанни Инфантинодан АҚШ миллий жамоаси ҳужумчиси Фоларин Балогунга кўрсатилган қизил карточка бекор қилинишини сўради, деб хабар берди Give Me Sport.

25 ёшли ҳужумчи жаҳон чемпионати 1/16 финалида Босния ва Герцеговинага қарши ўйинда ҳимоячи Тариқ Муҳарамовичга нисбатан қилган қўполлиги учун қизил карточка олганди.

5 июл куни The Athletic нашри футболчининг дисквалификацияси тўхтатилгани ва у нимчорак финалда Белгияга қарши ўйнаши мумкинлиги ҳақида хабар берди.

Манбаларнинг сўзларига кўра, ФИФА вакиллари бундай қарор чиқарилишига Оқ уйнинг алоқаси йўқлигини айтишган.

АҚШ президенти Доналд Трамп эса ФИФАга миннатдорлик билдирди.

«Тўғри ва адолатли иш қилгани учун ФИФАга раҳмат!» — деб ёзди у Truth Social ижтимоий тармоғида.