Meta сунъий интеллектга Инстаграмдаги суратдан эгасини огоҳлантирмасдан фойдаланишга рухсат берди

Янги функция шахсий маълумотларни ҳимоя қилиш ва фойдаланувчи контентидан фойдаланиш бўйича саволларни келтириб чиқарди.

Фото: Getty Images

Meta компанияси сунъий интеллект ёрдамида тасвирларни яратиш ва таҳрирлаш учун янги хизмат - Muse Image’ни тақдим этди.

Хизмат матнли тавсиф бўйича тасвирлар яратади ва тайёр фотосуратларни таҳрирлаш имконини беради. Янги сунъий интеллект тасвирларини яратишда Инстаграмнинг очиқ аккаунтларидан олинган расмлардан фойдаланиш имконияти пайдо бўлди.

Хорижий технологик нашрларнинг хабар беришича, фойдаланувчи Meta AI сўровида керакли профилни кўрсатиши кифоя. Шундан сўнг, сунъий интеллект янги расмларни, жумладан, одам юзини яратиш учун аккаунтдаги очиқ суратлардан фойдаланиши мумкин.

Шу билан бирга, аккаунт эгаси унинг суратлари расм яратиш учун ишлатилганлиги ҳақида хабардор қилинмайди. Компания маълумотларига кўра, ўз суратларидан фойдаланишга рухсат беришни истамаган фойдаланувчилар бу имкониятни махфийлик созламаларидан ўчириб қўйиши мумкин.

Таъкидланишича, Muse Image компаниянинг қоидаларини бузадиган тасвирларни яратишни чеклайдиган ҳимоя механизмлари билан жиҳозланганини айтди. Шу билан бирга, янги функция шахсий маълумотларни ҳимоя қилиш ва фойдаланувчи контентидан фойдаланиш бўйича саволларни келтириб чиқарди.