Pentagondagilar Ikkinchi jahon urushidagi g‘alabaning 71 yilligi haqida yoddan chiqarishdi

9 may kuni odatiy brifing vaqtida Pentagon matbuot xizmati rahbari Piter Kuk bu kun Ikkinchi jahon urushida Germaniya ustidan qozonilgan g‘alabaning 71 yilligi ekani yodidan ko‘tarilganini tan oldi. Bu haqda RIA Novosti xabar yozgan.

Qayd etilishicha, AQSh Mudofaa vazirligi o‘tkazgan brifing vaqtida bir necha bayonotlar bildirilgan, ammo G‘alaba kuni haqida eslanmagan. Jurnalistlar Kukka bu haqida eslatishgan.

"Ha, bu tarixdagi muhim kun, menga buni eslatganingiz uchun rahmat. Bugun ko‘p voqealar bo‘lib o‘tdi va bu haqda ro‘yxatimda belgilanmagan ekan. Lekin men dunyoning ko‘plab mamlakatlarida bu kun bayram qilinayotganini ko‘rdim", degan u.

Shu bilan birga u hech kimni bayram bilan tabriklamagan.