Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Мўғулистонда ўтган парламент сайловида халқ партиясининг қўли баланд келди
09:10 / 30.06.2016
3273

Асосий мухолиф куч ҳисобланмиш Мўғулистон халқ партияси (МХП) республикада ўтган парламент сайловларида ғолиб бўлди. МХП раҳбари Миеэгомбын Энхболднинг маълум қилишича, унинг партияси мамлакат парламенти – Буюк давлат хуралидаги 76 ўриндан 63 тасини эгаллаган.

"МХПдан номзодлар 76 та сайлов округидан 63 тасида муваффақиятга эришишди", - деб унинг сўзларидан иқтибос келтиради МОНЦАМЭ ахборот агентлиги. "Биз сизнинг ишончингиз улкан масъулият эканлигини тушунамиз", - деб мурожаат қилди Энхболд сайловчиларга. "Партиямиз ишончингизни оқлайди, иқтисодий ўсишни қайта тиклашни кучайтиради ва ижтимоий фаравонликни дунё даражасига олиб чиқади", - деди у.

Ҳукмрон Мўғулистон Демократик партияси раҳбари Зандаахуугийн Энхболднинг маълум қилишича, у “халқ танловини ҳурмат қилади” ва МХПга омад тилайди.

Эслатиб ўтамиз, Мўғулистонда парламент сайловлари 29 июнда ўтказилган эди.


Улашинг
Top