Jizzaxda o‘tgan saylovda 304 nafar fuqarolar yig‘inlari raisi saylandi

Jizzaxda o‘tgan saylovda mahalla fuqarolar yig‘inlari raislari uchun o‘quv-seminari o‘tkazildi. Bu haqda “O‘zA” xabar bermoqda.

Saylovda 304 nafar fuqarolar yig‘inlari raisi va ularning 2 ming 972 nafar maslahatchisi saylandi. Raislarning 234 nafari yoki 77 foizi birinchi marta saylanganlardir.

Yangi saylangan raislarga fuqarolar yig‘inlari faoliyatini tashkil etishga ko‘maklashish maqsadida o‘tkazilgan seminarda O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi, “Fuqarolar yig‘ini raisi (oqsoqoli) va uning maslahatchilari saylovi to‘g‘risida”gi qonunlariga muvofiq fuqarolar yig‘ini kengashini shakllantirish, fuqarolar yig‘ini faoliyatining asosiy yo‘nalishlari bo‘yicha komissiyalar va taftish komissiyasini saylash tartibi to‘g‘risidagi masalalar xususida so‘z yuritildi.