Tojikiston va O‘zbekiston Olmaotadagi hodisalardan so‘ng xavfsizlik choralarini kuchaytirmoqda

O‘zbekiston va Tojikiston hukumatlari, Qozog‘istonning Olmaota shahrida yuz bergan otishmalardan so‘ng, aeroportlar va chegaralardagi xavfsizlik choralarini kuchaytirmoqda. 

Xususan, Tojikiston prezidenti Emomali Raxmon huquq-tartibot va maxsus kuchlar rahbarlari bilan muloqot o‘tkazgan, deb xabar qilmoqda prezident matbuot xizmati. 

Davlat rahbari qaroriga binoan, Tojikiston milliy xavfsizlik davlat qo‘mitasi va boshqa huquq-tartibot organlari mamlakat aeroportlari va havo kemalaridagi xavfsizlikni ta'minlash borasida qo‘shimcha choralar ko‘radi. 

Olmaotadagi voqealardan so‘ng, O‘zbekiston chegarachilari o‘zbek-qozoq chegaralarini jiddiy nazorat ostiga olgan. Milliy xavfsizlik xizmatining davlat chegaralarini qo‘riqlash qo‘mitasiga ko‘ra, chegarachilar bu kabi voqealarda belgilangan tartib bo‘yicha faoliyat yuritadi. Ular, ikki mamlakat o‘rtasidagi 2 ming kmni tashkil etuvchi umumiy chegaralar bo‘ylab jiddiy nazorat olib boradi.