Непалдаги тошқин ва кўчкилар 54 кишининг ҳаётига зомин бўлди
17:33 / 27.07.2016
2927
Фото:The Kathmandu Post

Непалда содир бўлган ва ўзи билан кучли жала олиб келган сув тошқинлари ҳамда кўчкилар оқибатида ҳалок бўлганлар сони 54 кишига етди. Бу ҳақда “Ассошиэйтед Пресс” агентлиги хабар бермоқда.

Аввалроқ қурбонлар сони 33 киши бўлганлиги ҳақида хабар берилган эди.

Маълум қилинишича, ҳукумат 20 нафар изсиз ғойиб бўлган фуқарони қидирмоқда. Аҳоли турар-жойларидаги юзлаб одамлар ўз уйларини ташлаб чиқишга мажбур бўлишган.

Мамлакат ИИВ вакилининг хабар беришича, қутқарув операциялари давлатнинг 14 та округида олибборилмоқда. Қутқарув ишларига армия жалб қилинган.


Улашинг
Top