Assanj AQSh prokuraturasiga WikiLeaks ishi bo‘yicha murojaat yo‘llamoqchi

WikiLeaks asoschisi Julian Assanj AQSh prokuraturasiga Hillari Klintonning elektron yozishmalari sabab to‘xtatib qo‘yilgan ishni davom ettirishni so‘rab, ariza bilan chiqmoqchi.

- Ertaga bizning yuristlarimiz bosh prokuror Lorette Linchga maktub yo‘llashadi va ular WikiLeaks’ga ayblov sifatida qo‘yilgan AQSh milliy xavfsizligi va jinoiy ishlar nega olti yildan beri davom etayotgani haqida surishtirishadi. Adliya vazirligi Hillari Klinton bilan bog‘liq masalani bir yilga bormay hal etishdi, ammo bizning ishimiz hali ham cho‘zilmoqda, - dedi Assanj CNN telekanaliga bergan intervyusida.

Assanjning ta'kidlashicha, WikiLeaks e'lon qilayotgan materiallar AQSh milliy xavfsizligini xavf ostiga qo‘ymagan.