O‘zbekiston Tojikiston avtotransport vositalari uchun yig‘imlarni oshirdi

O‘zbekiston hukumati shu yilning 1-sentabridan boshlab, Tojikiston hududidan avtotransport vositalarining kirishi va tranziti uchun yig‘imlar miqdorini oshirdi. Respublika Vazirlar Mahkamasi 19-avgust kuni «Vazirlar Mahkamasining 2008-yil 17-dekabridagi 274-sonli «Xorijiy avtotransport vositalarining kirishi, chiqishi va tranzitini nazorat qilishni yanada takomillashtirish to‘g‘risida»gi qaroriga o‘zgartish kiritish to‘g‘risida»gi qarorni qabul qilgan.

Hujjatga muvofiq, 2016-yil 1-sentabridan O‘zbekiston davlat chegerasini o‘z tomonidan kesib o‘tuvchi Tojikiston yuk avtomashinalari va avtobuslari 180 dollar miqdorida qo‘shimcha to‘lovni amalga oshiradi. Qayd etilishicha, bungacha bu to‘lov miqdori 118 dollarni tashkil etgan.