AQSh Tojikiston maxsus kuchlarining sobiq rahbari haqidagi ma'lumotga mukofot puli e'lon qildi

AQSh hukumati IShID terrorchilik guruhi yetakchilaridan biri, Tojikiston ichki ishlar vazirligi sobiq rahbari Gulmurod Xalimovning qayerda ekanligi haqidagi ma'lumotga mukofot puli e'lon qildi. Bu haqda RIA “Novosti” axborot agentligi xabar bermoqda. 

Ta'kidlanishicha, AQSh terrorchi haqidagi ma'lumotga 3 mln dollar taklif qilgan.

"Xalimov – Tojikiston maxsus kuchlarining sobiq polkovnigi, politsiya rahbari va harbiy snayper. U Tojikiston ichki ishlar vazirligi politsiya maxsus kuchlari qo‘mondoni bo‘lgan. Hozirda u IShID a'zosi va jangarilarni yollash bilan shug‘ullanadi", deyilmoqda xabarda.