Tuvada 11 yoshli “haydovchi qiz” 9 yoshli bolani bosib ketdi

Tuva Respublikasida yashovchi maktab o‘quvchisi otasining avtomobilini boshqarayotib, 9 yoshli bolani bosib ketdi. Bu haqida Respublika IIV ma'lumotiga asoslanib, RIA “Novosti” xabar berdi. 

Yo‘l-transport hodisasi yakshanba kuni kechqurun Barun-Xemchik hududida sodir bo‘lgan.

“Barlik qishlog‘ida yashovchi 11 yoshli maktab o‘quvchisi Toyota Caldina avtomashinasini boshqarayotib, uyi oldida aylanma harakatlangan va o‘sha yerda o‘ynab yurgan 9 yoshli bolani bosib ketgan. Hozirgi vaqtda bola shifoxonaning jarrohlik bo‘limiga yotqizilgan”, - deyishdi matbuot xizmatida. 

Voyaga yetmagan qonunbuzarning otasiga nisbatan boshqarish huquqiga ega bo‘lmagan shaxsga transport vositasini topshirish haqidagi moddaga binoan ma'muriy protokol tuzilgan. Qizning onasiga nisbatan ham tarbiyaviy majburiyatlarini bajarmagani uchun ma'muriy chora ko‘rilgan.