Floridada 1 mlrd tonnaga yaqin radioaktiv suv ichimlik suvini yaroqsiz holga keltirdi

AQShning Florida shtati asosiy yerosti ichimlik suvi manbaiga 980 mln tonnalar atrofidagi radioaktiv suv sizib o‘tgan. Bu haqda mahalliy hokimiyat habar qilgan, deya yozmoqda «Bi-bi-si».

Tampa yonidagi o‘g‘itlar ishlab chiqaruvchi zavod ostida ulkan quduq paydo bo‘lgach, zararli suvning oqishi ro‘y bergan. Shu bilan oqova suvlarini saqlovchi inshootga zarar yetgan. Suvning tarkibida zaif radioaktiv modda hisoblanuvchi va o‘g‘itlar ishlab chiqishda hosil bo‘ladigan fosfogips bo‘lgan. 

Zavod xo‘jayini bo‘lgan Mosaic kompaniyasi ushbu hodisa xavfli emasligini bildirgan. Kompaniya ma'lumotlariga ko‘ra, ifloslangan suv, ichimlik suvi tortib olinadigan joygacha yetib bormagan. Hozirda, quduqdagi suv tortib olinmoqda. 

Ta'kidlanishicha, kompaniyaning o‘zi 3 hafta mobaynida voqea haqida lom-mim demagan.