IShIDning sobiq asirasi BMT yaxshi niyat elchisi bo‘ldi

IShID guruhi egallab olgan hududda qolib, terrorchilar qo‘lida asirlikni boshidan kechirgan yazidiy ayol BMT yaxshi niyat elchisi etib tayinlandi, deb yozmoqda Time jurnali.

23 yoshli Nadiya Murod Bazi Taxa qullikni boshidan kechirgan insonlarning g‘ururini himoya qilish masalalari bilan shug‘ullanadi. 

O‘tgan yili BMT XKga boshidan kechirganlarini hikoya qilib bergan edi. U 2014 yilda IShID jangarilari tomonidan asir olingan va terrorchilarning erkaklar va o‘g‘il bolalar o‘ldirishiga guvoh bo‘lgan. Bundan tashqari, u boshqa asir olingan ayollar singari jinsiy tajovuzga uchragan. Nadiyani bir necha marotaba sotib yuborishgan. 

BMT giyohvandlik va jinoyat boshqarmasining qayd etishicha, Nadiya Murod qullikni boshidan kechirgan ilk elchidir.