Google, Facebook, Microsoft va Twitter qochqinlarga yordam berishga va'da berdi

AQShning yirik texnologik korporatsiyalari Oq uy bilan birga qochqinlarga yordam berish uchun sa'y-harakatlarni birlashtirdilar.

Xususan, Google kompaniyasi 10 ming livanlik bolaga bepul ta'lim beruvchi nodavlat tashkilotlari uchun texnik mutaxassislarini moliyalashga va kreditlashga va'da berdi. Bundan tashqari, korporatsiya yevropalik qochqinlar uchun umumiy qiymati 5,3 mln dollar bo‘lgan Chromebook noutbuklarini xayriya qildi. 

"Feysbuk" rahbariyati Gretsiya bo‘ylab 35 ta hududda bepul Wi-Fi-ulanishni ta'minlashni rejalashtirmoqda va qochqinlar lagerlariga internetga bepul kirishni taqdim qilish uchun BMT bilan hamkorlikni davom ettiradi. Ijtimoiy tarmoq, shuningdek, muhojirlarga yordam beruvchi jamoatchilik tashkilotlariga mablag‘ yig‘ib beradi. Bundan tashqari, kompaniya qochqinlar o‘zlarining texnik va tadbirkorlik malakalarini rivojlantira oladigan innovatsion markaz qurmoqchi.  

HP Inc. ham Livan va Iordaniyada kattalar va bolalar uchun 6 ta qochqinlarni o‘qitish markazi qurishni rejalashtirmoqda. 

Bu kompaniyalardan tashqari, muhojirlarga yordam berishda Twitter, Coursera6 Zynga, Uber, LinkedIn, IBM va TripAdvisor kompaniyalari ham ishtirok etmoqchi.