Rasmiy Damashq hukumati, amerikalik harbiylarning IShID jangarilari bilan olib borgan muzokaralari yozilgan ma'lumotlarga egaligini ta'kidlamoqda. Amerikaliklar, Dayr az-Zordagi Suriya armiyasiga berilgan aviazarbalar ortidan jangarilarning hujum qilishi arafasida muzokaralar olib borgan, deya ta'kidlamoqda SAR Xalq kengashi raisi Xadiya Abbos.
"IShIDga qarshi xalqaro koalitsiya" samolyotlari 17 sentabr kuni Dayr az-Zor aerodromi yaqinida IShID jangarilari qurshovida qolgan Suriya qo‘shinlariga 4 marta havo zarbasi bergan edi. Buning oqibatida 62 harbiy xizmatchi halok bo‘lgan, 100ga yaqin askar jarohatlangandi. AQSh Qurolli kuchlari markaziy qo‘mondonligi mazkur havo zarbalari xato berilganini tan olgan edi.
"Suriya armiyasi ushbu zarbalardan avvalroq amerikaliklar va IShID o‘rtasidagi muzokaralarni tinglagan… Amerika kuchlari zarbalarni amalga oshirgach, jangarilarni Suriya qo‘shinlari pozitsiyalariga yo‘naltirgan", — degan Xadiya Abbos Tehronda.
Abbosning so‘zlarini keltirgan Livanning "Al-Mayadin" telekanaliga ko‘ra, Damashq AQShning Dayr az-Zordagi Suriya kuchlariga qasddan zarba berganini isbotlovchi dalillarga ega.
Bu ma'lumotlar keyinroq oshkor qilinadi, degan parlament spikeri.
