Neft eksporti bo‘yicha kelishuv haqida xabarlar ortidan Brent nefti narxi 6 foizga ko‘tarildi

OPeK (neft eksport qiluvchi davlatlar tashkiloti) a'zolari bir kunlik o‘rtacha neft qazib olishni 32,5 million barrel bo‘lishini kelishib olishdi. Bu haqda OPeK delegatsiyasi manbasiga asoslanib, Reuters xabar bermoqda.

Ma'lum qilinishicha, Jazoirdagi uchrashuvda erishilgan kelishuv 2016 yilning noyabr oyidan kuchga kiradi. Shundan so‘ng, OPeK a'zolari neft eksport qiluvchi boshqa mamlakatlarga cheklov haqida taklif kiritishadi.

Kelishuv haqida ommaviy axborot vositalarida xabarlar tarqalgach, neftning Brent markasi 6 foizga (1 barrel - 48,73 dollar) ko‘tarildi.