Braziliyadagi Paralimpiada ochilish marosimida Rossiya bayrog‘ini olib chiqqan belaruslikka antiqa sovg‘a tayyorlandi

Braziliyadagi Paralimpiada ochilish marosimida Rossiya bayrog‘ini olib chiqqan, Belarus sport va turizm vazirligi vakili Andrey Fomochkinga Rossiya tomonidan kvartira sovg‘a qilinadigan bo‘ldi, deb ma'lum qildi feysbukda Rossiya tashqi ishlar vazirligi rasmiy vakili Mariya Zaxarova.

Rossiya paralimpiya terma jamoasi 2016 yilgi Paralimpiya o‘yinlarida WADA mustaqil komissiyasining Rossiyada sportchilar tomonidan doping iste'mol qilinishining davlat tomonidan qo‘llab-quvvatlanishi haqidagi hisobotiga asosan vaqtinchalik chetlatilgani sababli ishtirok etmagan. Rossiyalik  paralimpiyachilarga Rossiyaning o‘zida alohida o‘yinlar tashkil etilgan.

Avvalroq Fomochkin o‘zini qahramon deb hisoblamasligini aytgandi.