Erdo‘g‘an: BMT Yaqin sharqdagi muammolarni hal qilishga zaiflik qiladi

Turkiya prezidenti Rajab Toyyib Erdo‘g‘an Birlashgan Millatlar Tashkilotini musulmon mamlakatlardagi mintaqaviy mojarolarga barham bera olmayotganligi uchun tanqid qildi. 

"Aslida adolat o‘rnatish uchun tashkil etilgan BMT o‘z vazifasini uddalay olmayapti. BMT Xavfsizlik kengashida milliarddan ortiq musulmonlar istiqomat qiladigan bironta ham mamlakat yo‘q. Shu adolatmi? Nima uchun Suriya, Misr, Liviya, Sudan, Afg‘onistondagi vaziyatni hal eta olishmayapti?.. Chunki, u yerlarda adolat yo‘q", — degan Erdo‘g‘an Anqarada bo‘lib o‘tayotgan fan va texnologiyalar bo‘yicha anjumanda qilgan chiqishida. 

Erdo‘g‘an BMT XK doimiy a'zolarini musulmon mamlakatlar vakillarini qo‘shish bilan ham kengaytirish g‘oyasini bir necha marotaba ilgari surgan edi.