Shveytsariyadagi mehmonxona internet-sensatsiyaga aylandi

Markaziy Shveytsariyadagi 5 yulduzli mehmonxona sayohatchi bloger o‘z instagramida u haqda qisqa videoni joylashtirgandan keyin internet-sensatsiyaga aylandi, deb yozmoqda The Local.

Rolik 120 mln ta namoyish va ko‘plab repostlar to‘pladi.

Firvaldshtet ko‘li sohilida joylashgan mehmonxonadan olingan videoda bir odam tomdagi suv havzasiga kirganda, u yerdan tog‘larga ajoyib manzara ochiladi.

Mehmonxona rahbarining aytishicha, shundan keyin mehmonxona ma'murlari kunu-tun tinmay qo‘ng‘iroqlar qabul qilishmoqda, butun dunyodan yuzlab xatlar kelmoqda. 

Ta'kidlanishicha, mehmonxonadagi o‘rinlar 2017 yil apreligacha egallab bo‘lingan.  

Mehmonxonadagi eng arzon xona narxi taxminan 500 dollarga yaqinni tashkil qiladi.