Hindistonda Balagxat shahridan Bxopal shahriga juda muhim operatsiyani bajarish uchun ketayotgan politsiyachilar avtobusi to‘ntarilib ketdi. Oqibatda 40 ga yaqin politsiyachi jarohat oldi, deb ma'lum qildi NDTV telekanali.
Yo‘l-transport hodisasi Jaypra qishlog‘ida yuz berdi.
Uch nafar politsiyachi jiddiy jarohat olgan, ularga tibbiy yordam ko‘rsatilgan.
Politsiya ma'lumotlariga ko‘ra, politsiyachilar bajarishi kerak bo‘lgan vazifa 14 oktabrda Bxopalga Hindiston bosh vaziri Narendra Modining kelishi mumkinligi bilan bog‘liq bo‘lgan.
