Kun fotosi: Qamchiq dovonida qor

13 oktabr kuni O‘zbekistonda havo harorati keskin pasayib, ayrim joylarda yog‘ingarchilik kuzatildi. Respublikaning tog‘li hududlarida, xususan Qamchiq dovonida qor yog‘di. 

Respublika Gidrometeorologiya markazi bergan ma'lumotga ko‘ra, 14 oktabrda ham havo salqin bo‘lishi kutilmoqda. Xususan Toshkent shahrida kechasi 5-7, kunduzi 13-15 daraja iliq bo‘ladi.