OAV: xusiylar Makka yo‘nalishida ballistik snaryad uchirdi

Yamanlik isyonchi xusiylar Islom dinining muqaddas shahri Makkai Mukarrama tomon ballistik raketani uchirishdi. Ammo, u havoda yo‘q qilindi. Bu haqda, Saudiya Arabistoni yetakchiligidagi arab koalitsiyasining Yamandagi qo‘mondonligi bayonot berdi, deya xabar qilmoqda SPA agentligi.

Qayd etilishicha, koalitsiya kuchlari snaryadni Makkadan 65 kilometrlar uzoqlikda yo‘q qilgan. Reuters ma'lumotlariga ko‘ra, Saudiya Arabistoni tomonidan javob o‘ti ochilgan. 

Isyonchi xusiylar ballistik raketa uchirganlarini tasdiqlashgan, ammo ularning so‘zlariga ko‘ra, isyonchilar mamlakatdagi eng tirband hisoblanuvchi podshoh Abdul-Aziz aeroportini nishonga olishgan.