Kanada bosh vaziri samolyoti favqulodda qo‘nishni amalga oshirdi 

Kanada bosh vaziri Jastin Tryudoning Bryusselga uchib ketayotgan samolyoti texnik nosozlik tufayli favqulodda qo‘nishni amalga oshirdi. Bu haqda Theguardian xabar bermoqda. 

Nashr ma'lumotlariga ko‘ra, samolyot ekipaji parvoz boshlangandan keyinoq nosozlikni aniqlab, samolyotni Ottavaga qaytargan. Samolyot muvaffaqiyatli qo‘ngan, hech kim jabrlanmagan. 

Tryudo Bryusselga Yevropa Ittifoqi-Kanada sammitida ishtirok etish uchun ketayotgan bo‘lgan. Sammit 30 oktabrda bo‘lib o‘tadi. Sammitda davlatlar erkin savdo haqidagi kelishuvni imzolashlari kutilmoqda.