Britaniya razvedkasi Rossiyadan kelib chiqayotgan tahdidlarni ma'lum qildi

Buyuk Britaniya MI5 boshqarmasi rahbari Endryu Parkerning bayonot berishicha, Rossiyaning «kuchayib borayotgan tahdidi» Birlashgan qirollikka nisbatan xavf soladi, deb yozmoqda The Guardian gazetasi.

«Rossiya ko‘proq G‘arbga qarshi chiqish va shunga muvofiq harakat qilish bilan o‘zini namoyish etishga urinadi», — degan Parker.

Britaniya razvedkasi rahbarining so‘zlariga ko‘ra, «Rossiya o‘nlab yillar mobaynida yashirin xavf bo‘lgan, biroq, endilikda tahdid solishning zamonaviy usullari mavjud». MI5 boshlig‘i o‘z so‘zlariga Rossiyadan kelib chiquvchi kibertahdidlarni misol qilgan. 

«Rossiya tashviqot, josuslik va kiberhujumlarni amalga oshirish va xorijdagi tahdidli siyosatini yuritishda davlat organlarining keng qamrovli vakolatlaridan foydalanmoqda. Rossiya Yevropa va Britaniyada ishlamoqda. MI5 vazifasi bunga qarshilik ko‘rsatishdan iborat», — deya bayonot bergan Britaniya razvedkasi rahbari. 

Parkerning qo‘shimcha qilishicha, hozirgi vaziyat Sovuq urush davridan rivojlangan kiberqurol mavjudligi bilan tubdan farq qiladi. 

Avvalroq, FQB rahbari Jyeyms Komi xakerlik hujumlarida Rossiyani ayblashga qarshi chiqqan edi.