Rossiyaning Yekateringburg shahrida rasman OIV epidemiyasi e'lon qilindi. Bu haqida shahar ma'muriy boshqarmasi ma'lumotiga asoslanib, RIA "Novosti" xabar berdi.
Manbaga ko‘ra, shahar tibbiyot xodimlari OIV-infeksiyasi bilan kasallanganlik 26 693 holatni ro‘yxatdan o‘tkazishgan, bu megapolis aholisining 1,8 foizini tashkil qiladi. Shu tariqa, Yekaterinburgning har 50-fuqarosi OIV-infeksiyasi bilan kasallangan bo‘lib chiqmoqda. Bundan tashqari, kasallik taxmin qilinayotgan 774 nafar bola ro‘yxatga olingan bo‘lib, ulardan 342 nafarida ushbu tashxis rasman tasdiqlangan.
Ma'lumotda ta'kidlanishicha, Yekaterinburgda OIV-infeksiyasi 52 foiz giyohvand moddalar, 46 foiz jinsiy aloqa orqali yuqqan.
OIV tashxisi qo‘yilgan kishilar orasida nafaqat yoshlar, balki 30-49 yoshdagi kishilar ham ro‘yxatdan o‘tkazilgan.
