Oq uy: Rossiya kiberhujumlar yordamida butun dunyodagi saylovlarga ta'sir o‘tkazmoqchi

Oq uy vakili Erik Shults Rossiya kiberhujumlar yordamida butun dunyodagi saylovlarga ta'sir o‘tkazmoqchi, deb aytdi. Bu haqda RIA “Novosti” axborot agentligi xabar bermoqda. 

"Bizning razvedkamiz 2 yoki 3 hafta oldin Rossiya AQShdagi saylovlarga aralashish maqsadida g‘araz niyatli kiberfaoliyatda ishtirok etmoqda, degan xulosa keldi. Bu faoliyat, afsuski, ular uchun yagonagina emas", deb aytdi Shults.

Shultsning aytishicha, AQSh Rossiya tomonidan butun dunyo bo‘ylab saylovlarga shunday aralashishlarga urinishni kuzatmoqda.

Shults AQSh bu borada Rossiyaga qandaydir javob tayyorlayotganini bilish maqsadida berilgan savolga AQShda kiberhududda "eng buyuk mudofaa va hujum imkoniyatlari" mavjudligini aytdi.