Britaniyada qiymati 15 million funt sterling bo‘lgan masjid qurilishi boshlandi

Britaniyaning Kembrij shahrida yirik masjidni qurish ishlari boshlandi. Ma'lumotlarga ko‘ra, inshootning umumiy qiymati 15 million funt sterling. Qadimiy shaharning umumiy arxitekturasini buzmasligi uchun maxsus loyiha ishlab chiqildi. Bu haqda Muxlis.uz xabar bermoqda.
  
Abu Bakr Jomiy masjidi yer osti avtoparki, yirik ibodat zali va halol restoranni o‘z ichiga oladi. Uning atrofiga ulkan park quriladi. Masjid ekologik sof texnologiyalar asosida qad rostlaydi.

Bino tomiga bog‘ barpo etiladi, suvni qayta ishlash tizimi, elektr energiyasini maksimal darajada iqtisod qilish imkonini beruvchi yagona texnologik tizim o‘rnatiladi. Masjidning qurilish jarayoni tunu kun onlayn rejimida kuzatib turilmoqda.