Moskvada kikboksing bo‘yicha ikki karra jahon chempioni o‘ldirilgani videosi paydo bo‘ldi

Rossiya ichki ishlar vazirligi kuzatuv kameralari orqali tasvirga tushirilgan, kikboksing bo‘yicha ikki karra jahon chempionining qotillik lavhasini e'lon qildi. 
Sportchi 6 noyabr kuni Moskvaning janubiy-g‘arbida o‘ldirib ketilgan, deyiladi Rossiya IIV bergan ma'lumotda.

Tasvirda ko‘rinib turganidek, avto turargohda to‘xtab turgan chet el mashinasidan yerga bir kishi qulaydi. Uning yonida bo‘lgan boshqa bir kishi esa jinoyat joyidan shoshmasdan yashirinadi.

Politsiya qotillik qilgan shaxsni  Sheremetevo aeroportida ushlashga muvaffaq bo‘lgan. U sportchining tanishi bo‘lgan. Surishtiruv xulosasiga ko‘ra, qotilikka moliyaviy sabablar asos bo‘lgan.