Janubiy Koreya prezidenti bosh vazirlikka nomzodini qaytarib oladi

Janubiy Koreya prezidenti Pak Kin Xe agar parlament bunga rozi bo‘lmasa, bosh vazirlik uchun taklif qilgan nomzodini qaytarib oladi. Bu haqda Yonhap xabar berdi.

Davlat rahbari bu qarorga parlament spikeri bilan uchrashuvidan keyin kelgan. Uchrashuvda uning dugonasi davlat ishlariga aralashgani ehtimoli yuzasidan muhokama o‘tkazilgan.

«Agar parlament bosh vazirlikka nomzodini tavsiya qilsa, men bu nomzodni qabul qilaman, u vazirlar mahkamasini boshqaradi», — degan Pak Kin Xe.

2 noyabr kuni Pak Kin Xe mamlakat bosh vaziri lavozimiga Xvan Gyo An o‘rniga Kim Byon Chjunni ilgari surdi. Ammo muxolifat ushbu nomzod Milliy majlis deputatlari bilan kelishilmagan tarzda ilgari surilgani uchun, uni qo‘llab-quvvatlamasligini ma'lum qildi.