Hindiston tikuvchilik fabrikalaridan birida yong‘in yuz berdi

Hindistonning Uttar-Pradesh shtatidagi tikuvchilik fabrikalaridan birida yuz bergan yong‘inda kamida 10 kishi halok bo‘ldi, deb xabar qilmoqda RIA Novosti agentligi mahalliy OAVga tayangan holda. 

Fojia G‘oziobod okrugi Shohiobod tumanida ro‘y bergan. Fabrikada tonggi soat 4larga yaqin yong‘in yuz bergan. 

Politsiya hozircha kamida 10 kishi haqida so‘z yuritmoqda, OAV xabariga ko‘ra, bu raqam 13 nafarni tashkil etishi mumkin. Bundan tashqari, kuyish jarohati olganlarning ko‘pchiligi o‘ta og‘ir ahvolda. Ularga shifoxonada yordam ko‘rsatilmoqda.