O‘g‘rilar Turkiyadagi eng mashhur mushuk haykalini joyiga qo‘yib ketishdi

Turkiyadagi eng mashhur mushuk hisoblangan Tombili haykali noma'lum kimsalar tomonidan Istanbulda o‘g‘irlab ketilgan edi. U shu kecha o‘g‘rilar tomonidan yana o‘z joyiga qaytarib qo‘yilgan. Bu haqda RIA «Novosti» xabar bermoqda.

Uning qaytarilgani haqidagi xabar mushukning “Feysbuk”dagi sahifasida ma'lum qilingan.

“Shu kecha o‘g‘rilangan mushukni joyiga qo‘yib ketishdi. Ular bilan hech qanaqa muammo yo‘q. G‘amxo‘rligingiz uchun tashakkur bildiramiz”, deyiladi Tombilining ijtimoiy tarmoqdagi sahifasida.

Anadolu agentligining ma'lum qilishicha, haykalni biroz tiklash va o‘z o‘rniga qayta joylashtirilishi kerak bo‘ladi. 

Eslatib o‘tamiz, o‘g‘rilangan haykal muallifi - haykaltarosh Seval Shaxin. U mushuk haykalini bronzadan bepul yasab bergan. Tombili haykali oktabr oyida u yashagan Qadiko‘y okrugida (Istanbul) ochilgan edi.