Amerikaning Vashingtondagi universiteti professori Alan Lixtman 1984 yildan beri AQSh prezidentligi uchun saylovlardagi nomzodlarning qaybiri g‘alaba qozonishini bexato taxmin qilib keladi.
U Respublikachilar partiyasi nomzodi Donald Trampning g‘alabasini ham to‘g‘ri topgan edi. Endilikda, u yangi saylangan prezidentga nisbatan impichment e'lon qilinishi mumkinligi haqida fikr bildirmoqda, deb yozgan The Washington Post gazetasi.
Lixtmanning so‘zlariga ko‘ra, AQSh Kongressi mamlakat prezidenti lavozimiga yangi saylangan vitse-prezident Maykl Pens kelishini ta'minlash uchun Trampni prezidentlik vazifasidan chetlatishlari mumkin. Pens Respublikachilar partiyasi safida o‘zining yaxshi jihatlarini namoyish etib, partiya a'zolarining hurmatiga sazovor bo‘lgan.
