Saakashvili Ukraina o‘z-o‘zini yo‘q qilib yuborishini bashorat qildi

Ukrainaning Odessa viloyati sobiq gubernatori Mixail Saakashvili Ukraina hozirgi ijtimoy-iqtisodiy ko‘rsatkichlari saqlanib qolsa, mavjud bo‘lishdan to‘xtaydi, deb aytdi. U bu haqda 14 noyabrda "112 Ukraina" telekanali efirida aytib o‘tdi.   

"Ukraina Yevropaning eng nochor davlati darajasiga keltirilgan. Bunday davom etishi mumkin emas! Bizga hukumat taklif qilayotgandek o‘ssak, unda eng yaxshi vaziyatda Yanukovich zamonidagi darajaga 15 yildan keyin erishamiz.  Agar bugungi kundagidek o‘ssak, bu davlatdan nom-nishon qolmaydi", deb aytdi Saakashvili.

Uning aytishicha, Ukrainadagi vaziyatni to‘g‘rilash uchun zudlik bilan islohotlar kiritish, soliqlarni kamaytirish zarur.