17:46 / 18.11.2016
9818

Robotning odamga hamla qilishiga oid ilk holat Xitoyda qayd etildi 

Foto: AP

Robotning odamga hamla qilishiga oid ilk holat Janubiy Xitoyning Guandun provinsiyasidagi Shenchjen shahrida o‘tayotgan IT ko‘rgazmasida yuz berdi. “Sina” axborot portalining xabar berishicha, internet foydalanuvchilari bu voqeani “mashinalar qo‘zg‘alonining ilk ko‘rinishi”, deya ta'riflashgan.

Ko‘rgazmada bir necha yuzlab kompaniyalar yuqori texnologiya sohasidagi turli mahsulotlar va xizmatlar bilan ishtirok etishdi. Ko‘rgazmada ishtirok etganlardan biri odamlarga ko‘rinishi “Yulduzlar jangi” filmidagi R2-D2 qahramonini eslatib yuboruvchi robotni namoyish qildi.

“Droid”ning asosiy vazifasi bolalarni o‘qitish va tashrif buyurganlarni xursand qilishdan iborat bo‘lgan. Noma'lum sabablarga ko‘ra, nazoratsiz qolgan robot o‘ziga yaqin bo‘lgan ko‘rgazmani buza boshlagan. Xodimlardan biri uni to‘xtatmoqchi bo‘lganida, robot uning oyoqlarini bosgan.

Top