Xitoy 23 noyabrga o‘tar kechasi ma'lumotlarni retranslyatsiya qiluvchi "Tyanlyan-1" sun'iy yo‘ldoshini fazoga uchirdi, deb xabar bermoqda Xitoy mudofaa vazirligi.
"Sinxua" axborot agentligi ma'lumotlariga ko‘ra, sun'iy yo‘ldosh Sichuan viloyatidagi Sichan kosmodromidan "Chanchjen-3B" raketa-tashuvchisi yordamida fazoga ko‘tarilgan.
Sun'iy yo‘ldosh orbitada qolgan uchta "Tyanlyan-1" yo‘ldoshlariga qo‘shiladi. 4 ta sun'iy yo‘ldosh ma'lumotlarni retranslyatsiya qilish global tarmog‘ini qo‘llab-quvvatlab turadi. Ta'kidlanishicha, bu "Shenchjou" koinot kemasi, kelajakda orbitada ishlaydigan koinot laboratoriya va stansiyalarining o‘lchash va nazorat xizmatini ta'minlash maqsadida tarmoqning ta'sir qilish hududini yaxshilashga yordam beradi.
Bundan tashqari, sun'iy yo‘ldosh Xitoyning koinot kemalarini uchirishda zarur ko‘rsatkichlarni nazorat qilish va o‘lchashni ta'minlay oladi.
