Boliviya prezidenti Trampni Fidel Kastro haqidagi so‘zlari sabab jiddiy qoraladi

Boliviya prezidenti Evo Morales AQShning yangi saylangan prezidenti Donald Trampni Fidel Kastro haqidagi so‘zlari sabab jiddiy qoraladi.

AQSh rahbari Kuba inqilobi yetakchisini “beshafqat diktator” deb atagan, xabar bermoqda Hispan TV.

“Deyarli butun dunyo motamda. AQShning saylangan prezidenti esa bir guruh kishilar bilan buni nishonlamoqda”, - ta'kidlab o‘tdi Morales.

Boliviya prezidentining fikricha, “fashizm Fidelning o‘limini katta surbetlik bilan bayram qilmoqda”.

Avvalroq Donald Tramp Fidel Kastro – “o‘z xalqiga deyarli oltmish yil davomida jabr-zulm o‘tkazgan beshafqat diktator” bo‘lgani haqida ma'lum qilgandi.