Kaliforniyadagi tungi klubda yuz bergan yong‘in to‘qqiz kishining hayotiga zomin bo‘ldi

AQShning Kaliforniya shtati Oklend shahridagi tungi klubda yuz bergan yong‘in kamida to‘qqiz kishining hayotiga zomin bo‘ldi, 25 kishi bedarak yo‘qolgan, deb xabar beradi KTVU telekanali.

Politsiya halok bo‘lganlar haqidagi ma'lumotni tasdiqlamadi. “Biz ham to‘qqiz nafar inson halok bo‘lganini OAVdan eshitdik”, - degan politsiya boshqarmasidagi xodim.

O‘t o‘chirish xizmatida esa bu borada izoh berishmagan.

Avvalroq, bazm o‘tayotgan binoda yong‘in yuzaga kelgani haqida xabarlar tarqalgandi. Taxminiy ma'lumotlarga ko‘ra, hodisaga – pirotexnika vositalari sabab bo‘lgan. Yong‘in xavfsizligi xizmati vakillarining ma'lumotiga ko‘ra, binoda 50 nafar inson bo‘lgan bo‘lishi mumkin.

Ayni damda o‘t o‘chirish xizmati xodimlariga binoga kirish taqiqlangan. Bu ularning hayotlariga xavf tug‘dirishi aytilgan. Klubda esa hali-hamon kishilar bor bo‘lishi mumkin.