Foto: thetimes.co.uk
Buyuk Britaniya hukumati rahbari Tereza Mey «maxfiy ”kulrang” Brexit rejasi»ni ishlab chiqish bo‘yicha «yashil chiroq»ni yoqdi, deb yozmoqda Sunday Times o‘z manbalariga tayangan holda. Nashrning yozishicha, shu bilan Britaniyaning YeI tarkibidan chiqishida qabul qilinishi ehtimol bo‘lgan ziddiyatli oq-qora qarorlarning oldi olinadi.
Ya'ni, mamlakat hukumati Brexit tarafdorlari va bunga qarshilarning ko‘nglini topishga urinib ko‘radi. Masalan, bu reja YeIga badal to‘lashga ruxsat berishni nazarda tutadi. Avvalroq, Yevroparlament Buyuk Britaniya fuqarolariga belgilangan badal evaziga YeIga a'zolik imtiyozlaridan foydalanish huquqini taqdim etish loyihasini muhokama qilishni boshlagan edi.
