«Chikago Bullz» va «Vashington Uizards» basketbol jamoalarining afsonaviy himoyachisi Maykl Jordan Forbes jurnali talqini bo‘yicha tarixda eng yuqori pul to‘langan sportchi sifatida e'tirof etildi. Jordan faoliyati davomida jami 1,7 mlrd dollar pul ishlagan.
Jordandan keyingi o‘rinlarda uch nafar golfchi — Tayger Vuds (1,65 mlrd dollar), Arnold Palmer (1,35 mlrd dollar) va Jyek Niklaus (1,15 mlrd dollar bormoqda). Beshtalikka avtopoygachi Mixael Shumaxer (1 mlrd dollar) kiritilgan. Futbolchi Lionel Messi reytingdagi eng yosh sportchi bo‘ldi: «Barselona»ning 29 yashar hujumchisi 520 mln dollar bilan 17-o‘rinda qayd etilgan.
