AQSh prezidenti Shvartsenegger boshlovchilik qiladigan realiti-shou prodyuseri bo‘ladi

AQShning saylangan prezidenti Donald Tramp NBC telekanali tomonidan namoyish etiluvchi The Celebrity Apprentice realiti-shousi ijrochi prodyuseri bo‘ladi, deb xabar berdi Variety.

Nashr ma'lumotlariga ko‘ra, bu dasturni efirga uzatish ikki yillik tanaffusdan so‘ng – 2017 yilning 2 yanvar kuni yana qayta amalga oshiriladi. O‘shanda uni Donald Trampning shaxsan o‘zi olib borgan, biroq 2015 yilda milliarder AQSh prezidentlik kampaniyasi davomidagi bir necha mojaroli bayonotidan keyin ishdan haydalgandi. Shouning yangi mavsumida Kaliforniya shtati sobiq gubernatori va aktyor Arnold Shvartsenegger boshlovchilik qiladi.

Ta'kidlanishicha, Trampning prodyuser sifatidagi ish haqi dasturning har bir chiqishi uchun kamida 100 ming dollarni tashkil etadi.