Senat prokuratura organlari xodimlari kunini belgilash to‘g‘risidagi qonunni ma'qulladi

13 dekabrda O‘zbekiston Respublikasi Oliy Majlisi Senatining 8-yalpi majlisida senatorlar "O‘zbekiston Respublikasi Prokuratura organlari xodimlari kunini belgilash to‘g‘risida"gi qonunni ko‘rib chiqdilar. 

Ta'kidlash joizki, prokuratura organlari tomonidan O‘zbekistonda qonun ustuvorligi, fuqarolar huquq va erkinliklari, jamiyat va davlat manfaatlarini himoya qilish, jinoyatlar va huquqbuzarliklarning oldini olish va profilaktikasi bo‘yicha anchagina ishlar olib borilmoqda. 

Prokuratura organlari xodimlarining kasb bayramini belgilash prokuratura organlari faoliyati samaradorligini yanada oshirish, ular tomonidan o‘z xizmat majburiyatlarining vijdonan va halol bajarilishini rag‘batlantirishga xizmat qiladi. 

Hozircha bu sana qachon nishonlanishi ma'lum qilinmadi.