Istanbuldagi terakt ijrochisi kelgan joy ma'lum qilindi

10 dekabrda Istanbulda sodir etilgan terakt ijrochilaridan biri Suriyadan kelgan, deb aytdi Turkiya tashqi ishlar vaziri Mavlud Chovusho‘g‘lu. 

10 dekabrda Istanbul markazida futbol stadioni yonida ikkita kuchli portlash sodir etilgandi. Terakt oqibatida 44 kishi, jumladan 37 politsiyachi halok bo‘lgan. Turkiya hukumati bu hujumda Kurdiston ishchi partiyasini ayblagandi. Keyinroq terakt uchun javobgarlikni "Kurdiston ozodligi qirg‘iylari" kurd radikal guruhi o‘z zimmasiga olgan.  

"Istanbuldagi terakt ijrochilaridan biri Suriyadan kelgan bo‘lgan, men bu haqda telefon orqali muloqot davomida AQSh davlat kotibiga ma'lum qildim", deb Chovusho‘g‘luning so‘zlarini keltirib o‘tgan Anadolu axborot agentligi. 

Avvalroq Anqara Vashingtonni Suriyadagi kurd Demokratik ittifoq partiyasini qo‘llab-quvvatlashi uchun bir necha marotaba tanqid qilgan. Bu tashkilot Turkiyada Kurdiston ishchi partiyasi bilan bog‘langan terrorchilik tashkiloti deb hisoblanadi.