2016 yilning 17 dekabr kuni Checheniston poytaxtida politsiya xodimlari bilan otishma keltirib chiqargan bosqinchilar IShID terrorchilik guruhi a'zolari bo‘lib chiqdi. Bu haqda TASS xabar bermoqda.
Huquqni muhofaza qilish organi vakilining so‘zlariga ko‘ra, yo‘l patrul xizmati polkiga hujum qilgan to‘rt nafar jangari yo‘q qilingan. Yana ikki nafar jangari og‘ir yaralangani tufayli shifoxonaga yotqizilgan. Uch nafar jinoyatchi esa voqea joyidan yashiringan.
«Qidirilayotgan bosqinchilarning yoshi 18dan 20 yoshgacha. Bizning ma'lumotlarga ko‘ra, ular IShID a'zolari. Jinoyatchilar qurollangan bo‘lishi mumkin», — deb ma'lum qilgan huquqni muhofaza qilish organi xodimlari.
