Moskvada chiqindi tashlanuvchi quvurdan o‘smir qiz chiqarib olindi

Qutqaruvchilar Moskvaning shimolidagi ko‘p qavatli uyda yashovchi qizni chiqindi tashlanuvchi quvurdan chiqarib olishdi. Bu haqda favqulodda vaziyatlar vazirligining Moskva bo‘yicha boshqarmasi vakili RIA “Novosti” axborot agentligiga ma'lum qildi.   

"Qiz 9 qavatli uyning chiqindi tashlanuvchi quvuriga tushib ketgan", deb ma'lum qilindi xabarda. 

Ma'lum qilinishicha, voqea joyiga yetib kelgan qutqaruvchilar qizni quvurdan chiqarib olib, tez yordam brigadasiga topshirishgan. Qiz oyoq sinishi jarohati bilan shifoxonaga olib ketilgan.