13:41 / 29.12.2016
13260

Video: O‘tkinchilar 3,5 ming dollari ko‘chaga sochilib ketgan erkakka yordam berishdi

Foto: CCTVnews

Xitoyning Lyaonin viloyatidagi banklardan birida o‘rnatilgan kuzatuv kamerasi ajoyib holatni tasvirga tushirdi. Unda bir necha o‘tkinchi kishilar taxminan 25 ming yuan (deyarli 3570 AQSh dollari) miqdordagi pullari it sabab ko‘chaga sochilib ketgan erkakka ularni yig‘ib olishda yordam berayotganliklarini ko‘rish mumkin. Rolik CCTV nashri tomonidan chop etildi.

Gao ismli erkak bankdan chiqib, itini qo‘lida ushlab qola olmagan va ko‘p miqdordagi pullarini yerga tushirib yuborgan. Biroq, bir necha o‘tkinchilar mablag‘larni yig‘ishga darrov ko‘mak berishdi hamda ularni jonivorning “omadsiz” egasiga tutqazishgan.

Gaoning o‘zi esa bu holatdan hayratga tushganini yashirib o‘tirmadi: «Bu mening butun bir yil davomida ishlab topgan pullarim edi. Ularni qaytarib olishga ko‘zim yetmagandi. Menga yordam bergan barcha kishilar notanish edi. Ulardan juda minnatdorman. Hammaga rahmat».

Top