AQSh yapon mafiyasiga qarshi sanksiyalar kiritdi

AQSh sanksiyalar ro‘yxatiga yapon mafiyasi – yakudzaning ikki tashkiloti va 3 nafar jismoniy shaxsini kiritdi. Bu haqda AQSh moliya vazirligi ma'lum qildi.

Sanktsiyalar ro‘yxatiga Kobe shahridan "Yamaguti-gumi" hamda "Yamaken-gumi" guruhlari kiritildi. Bundan tashqari, mafiya a'zolari Takashi Ikeda, Kunio Inue va Osamu Teraokaga qarshi sanksiyalar kiritildi.

Bosh qarorgohi Kobeda bo‘lgan "Yamaguti-gumi" jinoiy guruhi 1915 yilda tashkil etilgan bo‘lib, Osaka, Kioto, Xyogo, Saga, Nara va Vakayama prefekturalarini birlashtiruvchi Kansay tumanida kuchli pozitsiyalarga ega. Biroq politsiya ma'lumotlariga ko‘ra, u 47 ta yapon prefekturasidan 44 tasida 1100 dan ko‘proq bo‘limga ega. Yaponiyada hammasi bo‘lib yakudzaning politsiya hisobida turuvchi 20 dan ortiq guruhi bor, ularning a'zolari soni 70 mingga yaqinni tashkil qiladi.