Foto: EPA
Istanbuldagi tungi klubga uyushtirilgan hujum oqibatida halok bo‘lganlardan kamida 15 nafari xorijlik bo‘lgan. Bu haqda Turkiya IIV rahbari Sulaymon So‘yluga asoslanib, Reyter agentligi xabar tarqatdi.
Vazirning so‘zlariga ko‘ra, 21 qurbonning shaxsi aniqlangan, ulardan 15 yoki 16 nafari xorijliklar. Hujum qurbonlarining umumiy soni 39 nafarni tashkil qilmoqda, shuningdek 69 kishi jarohatlangan holda shifoxonaga yotqizilgan.
Turkiya IIV rahbari ma'lumotiga ko‘ra, terrorchi qidiruvda edi.
Reina tungi klubiga hujum uyushtirilgan vaqtda binoda 800 chog‘li kishi bo‘lgan. Terrorchi Santa-Klaus kiyimida binoga bostirib, duch kelgan tomonga o‘q yog‘dirgan. Bayram ishtirokchilari omon qolish uchun o‘zlarini Bosfor suvlariga otgan.
