Фото: EPA
Истанбулдаги тунги клубга уюштирилган ҳужум оқибатида ҳалок бўлганлардан камида 15 нафари хорижлик бўлган. Бу ҳақда Туркия ИИВ раҳбари Сулаймон Сўйлуга асосланиб, Рейтер агентлиги хабар тарқатди.
Вазирнинг сўзларига кўра, 21 қурбоннинг шахси аниқланган, улардан 15 ёки 16 нафари хорижликлар. Ҳужум қурбонларининг умумий сони 39 нафарни ташкил қилмоқда, шунингдек 69 киши жароҳатланган ҳолда шифохонага ётқизилган.
Туркия ИИВ раҳбари маълумотига кўра, террорчи қидирувда эди.
Reina тунги клубига ҳужум уюштирилган вақтда бинода 800 чоғли киши бўлган. Террорчи Санта-Клаус кийимида бинога бостириб, дуч келган томонга ўқ ёғдирган. Байрам иштирокчилари омон қолиш учун ўзларини Босфор сувларига отган.
