Turkiyada maktab avtobusi ag‘darilib ketdi, qurbonlar bor

Turkiyaning Konya viloyati hududida harakatlanayotgan yo‘lovchi avtobusi yo‘l-transport hodisasiga uchrashi oqibatida 2 kishi halok bo‘ldi.

Daily Sabah xabariga ko‘ra, maktab o‘quvchilarini olib ketayotgan avtobus ag‘darilib ketgan, undagi yana 42 kishi turli darajada tan jarohatlari olgan. Jabrlanuvchilar yaqin hududdagi shifoxonaga yetkazilgan.

Dastlabki xabarlarga ko‘ra, YTHga yo‘lning muzlashi sabab bo‘lgan.

Xabar qilinishicha, avtobus o‘quvchilarning ota-onalari tomonidan ijaraga olingandi.